ჩემ შესახებ

რთულია ილაპარაკო საკუთარ თავზე და არ იყო  სუბიექტური. რთულია, ამდენი ბლოგერის ხელში ორიგინალური “ებაუთი” დაწერო. ამიტომ ვიქნები ბანალური და დავწერ იმას, რაც მე პირადად ყველაზე მეტად მაინტერესებს, ხოლმე  ბლოგერზე, როცა მის შესახებ ვეძებ ინფორმაციას(და ძალიან მეშლება ნერვები იქაც უაზრო ლაი-ლუი, რომ მხვდება, ყოველგვარი კონკრეტულის გარეშე:)).

ასე რომ, უკე მერამდენედ, გამარჯობა:)

მე ნათია ვარ, ერთი უჩვეულებრივესი გოგო, რომელსაც ეს უჩვეულებრივესება აღიზიანებს,

ვცხოვრობ თბილისში და ზუსტად ვიცი, არჩევანი რომ მქონოდა აქ არ ვიცხოვრებდი, თუმცა “მშობლიურობიდან” გამომდინარე, მაინც ძალიან მიყვარს ქალაქი, რომელშიც დავიბადე,

ვსწავლობ თსუ-ში, ბიოლოგიურზე(არდა წინა ებაუთში მეწერა სამედიცინოზე ვაბარებ-თქო:დ), თავისთავად უკმაყოფილო ვარ უნივერსიტეტში შექმნილი ვითარებით, თუ რატომ ამაზე არაერთხელ დავწერე მგონი უკვე.

ეხლა, როცა მე ამ პოსტს ვწერ :დ ბლოგი ალბათ წლის და შვიდი თვის მყავს, უკვე ვფიქრობ, რომ მან თავისი თავი ამოწურა, რომ სხვა ეტაპზე გადასვლაა საჭირო, მაგრამ მაინც ვერ ვაუქმებ.

ვერ დავწერ იმას რომელი მუსიკა მიყვარს, რომელია საყვარელი ფილმი, წიგნი, ადამიანი :დ

მიჭირს ცალსახად საუბარი.

ისევე, როგორც სხვებს, მეც მიმაჩნია, რომ ამ მცხოვრებაში იმაზე ბევრად მეტი მეკუთვნის, ვიდრე გამაჩნია. და ზოგს იმაზე მეტი აქვს, ვიდრე იმსახურებს:)

მაქვს მიზანი და ვიბრძვი მის განსახორციელებლად. უბრალოდ მეშინია, კულმანაცირ მომენტში ის ბედნიერება, რომ ვერ ვიგრძნო როგორის მოლოდინიც მაქვს.

ფრაზა, რომლითაც ხშირად გადაწყვეტილებებს ვიღებ და ცხოვრებაში ვიყენებ არის :თუ რეალობას ვერ ცვლი, შეცვალე მისდამი დამუკიდებულება:  ეს რა თქმა უნდა დანებებას არ ნიშნავს, პირიქით, დამატებითი გზების მოძიებაში მეხმარება. განსაკუთრებით იმ დროს, 2 გზა რომ გაქვს და მაინც მესამეს, რომ ვირჩევ.

ხო,  მიყვარს ამერიკა, იმიტომ რომ თავისუფლებასმოწყურებულმა ადამიანებმა შექმნეს, მიყვარს აზია იმიტომ, რომ აქ დაირწა ცივილიზაციის აკვანი (ნუ აფრიკის ჩრდილოეთი თავისთავად) და სულაც არ მაქვს ოცნებად  ევროპის ქვეყნებში მოგზაურობა.  მინდა ვნახო: ჩინეთი, ტიბეტი, ტაილანდი, ინდოეთი..

და ბოლოს, მეც ისევე როგორც თითქმის ყველა “განვითარებულ” და საკაცობრიო საკითხებში ასე თუ ისე ჩაჭყეტილ გოგოს, ოჯახის შექმნა ზედმეტად შორეულ გეგმებში მაქვს, ( ნუ თუ ხვალ  მანქანიან, ბინებიან, სამსახურიან, პერსპექტიულ, განათლებულ და სიმპატიურ ნაშას არ გადავაწყდები, რომელსაც დავაინტერსებ :))

მოკლედ, ვცდილობ, რომ ყველაფერზე ჩემი აზრი გამაჩნდეს, ვცდილობ   ვიპოვო ჭეშმარიტება ვისი ან რისი ჯერ არ ვიცი :დ

და საერთოდაც, როგორც ბევრს უწერია, მეც გეტყვით, რომ ერთი, გულიდან ამოხეთქილ-ამოგლეჯილი პოსტი მეტს გეტყვით ჩემზე, ვიდრე მშრალი ებაუთი:)

გმადლობ, რომ მკითხულობ:)

პ.ს  ვერ წარმოიდგენთ, რა ამაყად დავარქმევ ამ გვერდს “ჩემ შესახებ”-ს და არა ჩემს შესახებ”-ს, როგორც ეს ძალიან ბევრს უწერია :დ თუ რამე კითხვა გაქვთ, მომწერეთ ან აქ კომენტარებში, ან  facebook-ზე, ყველაზე სიამოვნებით გიპასუხებთ, ნუა კითხვასაც გააჩნია:)