უკვამლო ცეცხლი ანუ ვამპირები არ არსებობენ(?)!

ამ წუთას დავამთვარე “vampire diaries” ყურება და ვამპირების გავლენის ქვეშ ვარ. იმდენად კარგი რეჟისორები და მსახიობები მუშაობენ უკვე წლებია ვამპირიზმის თემაზე, რომ  საბოლოოდ მოახრეხეს მათდამი თბილი გრძნობების გაღვიძება. მაგრამ განა მართლა არსებობდნენ ვამპირები? თუ ეს  ყოფნა არ ყოფნის დილემა მხოლოდ ბრემ სტოკერის მიერ შეთხზული ამბის, “დრაკულას” ბრალია? თუმცა არის ერთი ბრძნული გამონათქვამი:: “ცეცხლი უკვამლოდ არ ჩნდებაო”, ვამპირების გარშემო ატეხილი აჟიოტაჟი ცეცხლზე ბევრად ძლიერია, შესაბამისად რაღაც კვამლი უნდა არსებობდეს. შეიძლება პოსტი ამ მიმართულებით იმიტომ  მიმყვას, რომ მე თვითონ მიყვარს ჩახლართული, საიდუმლოებით მოცული ამბები, მაგრამ ნუთუ ალოგიკურია ყველაფერი? ნუთუ ამდენი ფილმი, ზღაპარი, მითი, ყველაფერი გამოგონილია? ნუთუ არანაირი კვალი არ არსებობს?.. არ ვიცი, თუმცა მე ნამდვილად მჯერა ეგზორცზმის, სულების და სხვა მისტიკური მოვლენების, ამიტომ არ გამიკვირდება,  სადმე ვამპირებიც თუ იქნებოდნენ..:D სამყარო უამრავ საიდუმლოს ინახავს. რასაც ბოლომდე ვერასდროს ჩავწვდებით.

რაც შეეხება სერიალს, მინდა გითხრათ, რომ დიდი არაფერია.. გადაჭარბებული სპეცეფექტები, ანგელოზობრივი ელენა, გმირი სტეფანნი და განუმეორებელი დეიმონი.. თუმცა მეორე სეზონის ბოლო ორი სერიიის და თავად დეიმონის გამო, ნამდვილად ღირს მისი ყურება..ეს კი  ის სტატიაა, რომელმაც რა თქმა უნდა ვერ ახსნა ვამპირიზმის საკითხი და მხოლოდ ეჭვები გამიღრმავა😀

ლეგენდები მათი სისხლიანი “მოღვაწეობის” შესახებ მრავლად არსებობს. ამ მოვლენას შუა საუკუნეების ეკლესიის მსახურნი სერიოზულად იკვლევდნენ. მანუსკრიპტში (ძველი ხელნაწერები) – “ეშმაკის ძალის ინდექსი”, ვამპირიზმის შესახებ ამომწურავი ინფორმაციაა მოცემული:”ეს არის ეშმაკის მიერ გაცოცხლებული, საფლავიდან ამომძვრალი ადამიანის გვამი. იგი ღამით იჭრება მძინარე ადამიანთან, გუდავს მას და სისხლს წოვს ყელიდან. მათი მსხვერპლიც შემდგომში ვამპირი ხდება”.
მე-19 საუკუნის ირლანდიელი მწერლის – ბრემ სტოკერის ნაწარმოებში “დრაკულა” ასახულია ვამპირების ქცევა. წიგნი სწრაფად გახდა ბესტსელერი და დღემდე იქცევს საზოგადოების ყურადღებას. დრაკულას პროტოტიპი მე-15 საუკუნეში მცხოვრები რუმინელი თავადი, ვლად ცეპეში იყო. თავადმა სახელი ორი განსხვავებული თვისებით გაითქვა – განსაკუთრებული სიმამაცით, რომლითაც ის ქვეყნის მტრებს – თურქებს ებრძოდა, და კიდევ უფრო გამორჩეული სისასტიკით, რომლითაც ტყვეებსა და დაუმორჩილებელ ქვეშემდრომებს უსწორდებოდა. ლეგენდის მიხედვით, მეფემ თავადი დრაკონის ორდენით დააჯილდოვა. სწორედ აქედან მოდის მისი მეტსახელი “დრაკულა”. ვლად პეცეში სიკვდილის შემდეგაც განაგრძობდა სიცოცხლეს, რისთვისაც მას მუდმივად სჭირდებოდა ადამიანის სისხლი.
რა იმალება გასული საუკუნეების მისტიკურ რომანებსა და თანამედროვე საშინელებათა ჟანრის ფილმებში?სურვილი მრავალმხრივი და განსაკუთრებული სიამოვნების მიღებისა, თუ ადამიანთა საზოგადოებრიობის სიღრმიდან აღმოცენებული შავი მისტიკის საწყისი?
ქრისტიანული და წარმათული რელიგიების სათავეების მკვლევარი, ალექსანდრე დუგინი სწორედ ამ უკანასკნელ მოსაზრებას ეყრდნობა და ამის მყარი საფუძველიც აქვს. თითქმის ყველა რელიგიის არსი – ღმერთი, და შემდეგ ადამიანი, ცხოვრების ორ ციკლს გადის: სიცოცხლეს და სიკვდილს, რომლებიც ერთმანეთთან საკრალური ქმედებით არის დაკავშირებული. წარმართულ რელიგიაში მზე ღვთიური სხივის (სინათლის) განსახიერებად ითვლებოდა, ხოლო მზის წელიწადი როგორც მთელი ქვეყნიერების, ისე ადამიანის ბედის საზომსა და მოდელს წარმოადგენდა.
ალექსანდრე დუგინი ვამპირთა ქმედებაში იგივე საკრალურ მომენტს ხედავს, მხოლოდ მუქსა და ბნელში გამეორებულს, ნაცვლად ახალი მზიური სიცოცხლისა, რომელიც მათი აზრით, მხოლოდ ფერმკრთალი, წარმავალი არსებობა იყო.
რა შუაშია აქ სისხლი, რომელსაც ვამპირები სვამენ ახალი ცხოვრების საზიარებლად?
ყველა რელიგიის მისტიკური ტრადიცია სისხლს განსაკუთრებულ ყურადღებას უთმობს. მათი აზრით, სისხლი წარმოადგენს შესქელებულ ცეცხლს, სინათლეს, რომელიც ადამიანის სხეულსა და ფსიქიკას შორის გარდამავალი ინსტანციაა. სისხლი ადამიანის სულის მატერიალური გამოხატულებაა. უძველესი საკრალური დამოკიდებულება სისხლის მიმართ შემორჩენილია ქრისტიანულ რელიგიაშიც. გავიხსენოთ სიმბოლური მსგავსება ადამიანისა ქრისტესთან. მართლმადიდებლურ ტაძრებში სვამენ წითელ ღვინოს – იგემებენ ღმერთის “სისხლს”.
ქრისტიანის სულის ფსიქო-ფიზიკური სტრუქტურის გარდაქმნის მაგიური ზებუნებრივი აზრი გაქრა და რელიგიურმა წეს-ჩვეულებამ ალეგორიის სახე მიიღო. ქრისტიანული მღვდელმსახურების ეს მხარე იდუმალი ეზოთერული სწავლების საკუთრება გახდა, რომლის მიზანი, ღვთიური უნარის ფლობა და უკვდავების მიღწევა იყო. სწორედ ამ დროს დაიბადა მომაჯადოებელი და საზარელი პაროდია, რომელმაც ფერიცვალების არსი ღამის კოშმარის სფეროში გადაიყვანა.
შუა საუკუნეებში წარმოქმნილი საიდუმლო ორგანიზაციები ძალაუფლების მოპოვებას და სახელმწიფოს ფარულ მართვას ეზოთერული ცოდნის მეშვეობით ცდილობდნენ. ასეთი ორგანიზაცია იყო, მაგალითად, “დიდგვაროვანი ტამპლიერების ორდენი”, რომელიც იმდროინდელი ევროპის მრავალ ქვეყანაზე ახდენდა ზეგავლენას. 1307 წელს ორდენი განადგურებული იქნა რომის პაპის კლიმენტი 7-ისა და საფრანგეთის მეფის – ფილიპე ლამაზის მკრეხელური შეურაწყოფის გამო.
ამ მოვლენის შემდეგ საუკუნეები გადის და ბევრი რამ იცვლება. თუმცა, მისტიკური საიდუმლოების მეშვეობით (სისხლის დახმარებით) ადამიანის გარდაქმნისადმი ინტერესი არ განელებულა.
ალექსანდრე დუგინი თვლის, რომ ამ ფარული პროცესის არსებითი როლი მდგომარეობს კულტურის ზოგიერთი მოღვაწის მიერ პიროვნების სულიერ-ესთეტიკური ფორმირების ჩამოყალიბებაში. თანამედროვე რეალისტური რომანის ფუძემდებლები – ონორე დე ბალზაკი და ემილ ზოლა საიდუმლო საზოგადოების წევრებად მოიაზრებოდნენ და ამ გატაცებამ გავლენა მათ შემოქმედებაზე იქონია.
“დრაკულას” ავტორი – ბრემ სტოკერი, რომელიც პირველად ალაპარაკდა ვამპირიზმის მისტიკურ საიდუმლოებაზე, მაგიური ორგანიზაციის “ოქროს აისის” წევრი იყო. ორგანიზაცია დაარსდა ინგლისელი მასონების მიერ. მასში გაერთიანებულები ეზოთერიზმის ყველაზე საშიში მხარის შესწავლით იყვნენ დაკავებული. ორგანიზაციაში გაერთიანებული იყვნენ იმ დროისთვის პოპულარული ინგლისელი მწერალი ბულვერ ლიტონი და სისატიკით და ბოროტებით განთქმული ოკულისტი ალისტერ კროული. “ოქროს აისის” გავლენა სწრაფად ვრცელდებოდა კულტურის სხვადასხვა მოღვაწეებზე, რომელთა მიერაც შემდგომში გავრცელდა სიუჟეტები ვამპირებზე, მოჩვენებებზე, შავ წირვასა და სხვა მსგავს მისტიკურ საიდუმლოებაზე.
ალექსანდრე დუგინი თვლის, რომ “ოქროს აისში” “დრაკულას” ავტორის წევრობა ბევრის მანიშნებელია. სწორედ ამ ორგანიზაციაში შემუშავებული რიტუალებია დაკავშირებული “სისხლის მაგიასთან”. ორდენის თავკაცი მაზერსი პირდაპირ დაადანაშაულეს ვამპირიზმში.
ვამპირიზმის იდეის გავრცელების სხვა მაგალითებიც მრავლად არსებობს. ცნობილი მომღერალი და მსახიობი დევიდ ბოუი საშინელებათა ჟანრის ფილმში მთავარ როლს ასრულებდა, სადაც ვამპირები, სხვა დანარჩენ ადამიანებთან შედარებით განვითარების უფრო მაღალ საფეხურზე იდგნენ. და აი, რა არის საინტერესო – დევიდ ბოუი წევრია ეზოთერული ორგანიზაციისა – “აღმოსავლელი ტამპლიერების ტაძარი”, რომლის ფესვებია “ოქროს აისიდან” მოდის.
მსგავსი საიდუმლო ორგანიზაციები, რომლის ინტერესის სფეროსაც სისხლი წარმოადგენს, შეიძლება მრავლად დასახელდეს. საკმარისია გავიხსენოთ გერმანიაში შექმნილი ორგანიზაცია “ტულეს გაერთიანება”, რომლის “ფილიალი” შემდგომში ბოროტებით განთქმული გერმანიის ნაციონალ-სოციალისტური პარტია გახდა.
შუა საუკუნეებიდან მოყოლებული ევროპის მრავალ ქვეყანაში იქმნება “შავი სატანის” სამსხვერპლოები. ეშმაკის კულტის ახალგაზრდა მიმდევრები იწყებენ რიტუალების სატანური წეს-ჩვეულებებით ჩატარებას. მიმდინარეობს ქრისტიანული საფლავების წაბილწვა, ცხოველების ხელყოფა (შავი ფერის კატები) და ა.შ.
ვინ არიან ეს ადამიანები:სულით ავადმყოფები?
ალექსანდრე დუგინი თვლის, რომ მრავალრიცხოვან სატანურ სექტებს (ვამპირული სექტები) აერთიანებს ერთიანი ორგანიზაცია. ორგანიზაციის სათავეში დგას ყველაზე ძლიერი მაგი – “მოხუცი”, რომელიც აკონტროლებს ყველა სექტას და ავრცელებს ეშმაკის კულტს.
არსებობს შავბნელი დოქტრინის საფუძველზე შემუშავებული ვამპირიზმის სპეციფიკური ოკულტური ტრადიცია. ამ ტრადიციის მატარებლები განსაკუთრებულ შესაძლებობლებს და მეთოდებს ფლობენ და პირველ რიგში, ცივილიზაციის განვითარების მთავარ პროცესზე – კულტურაზე ახდენენ გავლენას. მათი სურვილია ვამპირიზმის შესახებ მითი ბანალურ, ჩვეულებრივ მოვლენად იქცეს. პათოლოგიას ადამიანი მშვიდად ხომ იმ შემთხვევაში ეგუება, როცა ის მისთვის ჩვეულებრივი ხდება.
რა ბედი ეწევათ ადამიანებს, მსგავსი პათოლოგიის შეგუების შემთხვევაში?

8 thoughts on “უკვამლო ცეცხლი ანუ ვამპირები არ არსებობენ(?)!

  1. “1307 წელს ორდენი განადგურებული იქნა რომის პაპის კლიმენტი 7-ისა და საფრანგეთის მეფის – ფილიპე ლამაზის მკრეხელური შეურაწყოფის გამო.” – მცდარი ინფორმაციაა

    არა მკრეხელური შეურაწყოფის გამო, არამედ ყველაფერი უკავშირდება “ეზოთერულ ცოდნას” ან რაიმე “საიდუმლოებას”… ნათია კარგად გაეცანი ტამპლიერების ისტორიას და ნახავ თუ რის გამო დასაჯეს ისინი, და მე რო გიყვები “საიდუმლოებაზე” გეცინება, ნწუნწუნწუ

    და ყველაფერი კი უკავშირდება მასონებს, მაგალითად შენს პოსტში მოხსენიებული Aleister Crowley შედიოდა “თავისუფალ მასონებში”, აი აქ შეგიძლია ნახო > http://en.wikipedia.org/wiki/List_of_Freemasons ასო C-ზე ბოლოდან მეოთხე წერია Aleister Crowley
    ისე “თავისუფალ მასონთა სიაში” ბევრ საინტერესო ვინმეს ნახავ, მაგალითად ასო B-ზე Silvio Berlusconi, ამერიკის პრეზიდენტები და ა.შ. და ა.შ.

  2. ისე “ეზოთერული ცოდნა” არაფერ შუაშია

    მთავარია “საიდუმლოება”, რა საიდუმლოებაცაა… aha aha

  3. ვუუუუუუუუუუუუუუუუუუუუუჰ, ამ სიცხეში, ზაფხულში, ივლისის ბოლოს, ჩილეში რაააააააააააამხელა თოვლი მოვიდაააა

    ზამთარი და თოვლი

    ნათიააა, არ გინდა ერთი ბილეთი მიყიდო ჩილემდე?

  4. True Blood ! აი ყველაზე მაგარი სერიალი ვამპირებზე ^^ მე მჯერა და მიყვარს ვამპირები!😛

  5. მე მჯერა ვამპირების, ჯადოქრებისა და ყველაფერი მისტიკურის. ვიცი რომ სადღაც არსებობენ, დარწმუნებული ვარ და ვოცნებობ იმაზე რომ სადმე მეც გადამეყაროს ერთი ვამპირი : )))
    და სერიალს რაც შეეხება ძალიან მომწონს. ^^ მესამე სეზონში უფრო უკეთესი გახდა. და მე კეტრინის პერსონაჯი უფრო მომწონს ვიდრე ელენასი : ))

  6. am postis avtors erts vetyvi tu martla gianteresebs vampirebi kargad moidzie infomaria ramtqmaunda tu xeli migiwvdeba da gaigeb! 1.wlebis manidzle eklesia ebrdzoa asevtqvat borot dzalebs… (bevrs sheidzleba gaecions da tqvas ra sisueleao mara angelozebis da gmertis xom gjerat?? xoda aseve unda daijerot rom boroti dzalebi arsebobs) da am borot dzalebshi sheidodnen vampirebic daaxloebit meate saukunistvis gaqrnen da bolo vinc shemchneuli iyo da vampirad moixsenies iyo 1223 wels safrangetis ert erti nu rogor vtqva mtavarsardlis shvili magis mere arc araferia vampirebze da xalxic uaryofs! axla quchasi rom gaxvide da gmokitxva chaataro xalxi sicilit mokvdeba radgan ar sjerat!! da imaze ar fiqoben saidan warmoishva es mitebi da legendebi?? safudzveli saidan qonda??? tu ki gjerat rom gmerti arsebobs angelozi, ratom ar ijerebt imas rom boroti dzalebic arseboben!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s